Nature, paisaçs e impat de vore dal om. Nol è il teme di une manifestazion su la ecologjie, ma al sarà l’argoment di un dopo di misdì dal savôr tolkienian. Si fevelarà ancje di Tolkien, di fat, ae Fieste dal Miluç, event promovût ogni an de Pro Loco di Tumieç.

Domenie ai 22 di Setembar, aes 6 dopo misdì ae “Pomis Arena” in place XX di Setembar, il president de Aulùs APS Francesco Spizzamiglio al fevelarà di «Tolkien: la tornade dai Hobbits, la nature di gnûf cjatade». Po dopo, Paolo Paron – president onorari de Societât Tolkieniane Taliane – al tignarà l’intervent «A fevelin i Ents: la potence dai arbui»E compagnarà cu la sô musiche Patrizia Spadon.

L’incuintri, la che si jentre a gratis e cence prenotazion, al è promovût dal Circul Culturâl Eureka e de Societât Tolkieniane taliane, cul sostegn de Regjon Autonome Friûl-Vignesie Julie.