Chi di pôc e sarà dade in man a ducj i socis la edizion 2024 di Contee Furlane, la riviste anuâl de Aulùs APS rivade al tierç an di publicazion.
«Daspò dal slanç de novitât e reste la biele normalitât de cuotidianitât” al dîs il president Francesco Spizzamiglio intal articul di cuvierte. Une normalitât une vore dinamiche e ancje inovative che e ven ben contade intes sedis pagjinis de publicazion.
Si contin, di fat, lis seradis tolkienianis fatis intal 2023 e il podcast di ben 24 episodis lât in onde l’an passât (e ancjemò in linie su Spotify… cîr "Contee furlane”!). Un piçul barcon sul avanzament de dopleadure dal secont cine, Lis dôs Toratis, al siere la sezion dedicade ae ativitât associative.
Ma lis leturis plui gustosis a son cence dubi i aprofondiments: i 70 agns de publicazion di “Il Signôr dai Anei”, par cure di Paolo Paron; un curiôs focus sui mulins inte vite e inte opare di Tolkien, a firme dal president Francesco Spizzamiglio; l’intop dal Messâl par furlan che al ven contât di Giovanni Lesa, e invezit la firme prestigjose di Domenico Dimichino e celebre i prins trente agns de Societât Tolkieniane Taliane. Cui che al ame lis leturis nol pues pierdisi l’articul di Giovanni Tomai su lis resintis publicazions si (o su) Tolkien. Sugjestive, ae fin, la conte di Edoardo Asquini sul Tiliment, “zovin torzeon” intal nestri Friûl.
Come simpri, a insiorâ lis pagjinis di “Contee Furlane” a son bielis e gnovis ilustrazions a teme tolkienian: il nestri gracie a Cecilia Fabris, Jacopo Rossitto, Giulia Maieron e Enrico Penco, alcuni dei quali partecipanti all?ultimo contest ?Il Signôr dai Anei di piturâ?.
La riviste e je disponibile a gratis – e fin di cumò – pai socis de Aulùs APS. Cui che nol è soci al pues ricevile partecipant ai prossims events puartâts indenant de Aulùs (il calendari al sarà publicât in curt), o pûr al pues ricevi la riviste deventant soci” “In trê si è in compagnie”, al disarès Tolkien, ma plui o sin e plui e sarà “Une fieste spietade a dilunc”.
