Une serade di meti daurman in agjende: chê di sabide ai 22 di Otubar, cuant che aes 8.45 sot sere l’auditorium comunâl “Bons. Pigani”, in vie Battaglione Julio Brigata Osoppo, a Remugnan, al ospitarà une gnove proiezion de “Compagnie dal Anel” dopleade par furlan.

E sarà presinte ancje la nestre associazion, Aulùs APS, ae XXVII edizion di Hobbiton, le grande fieste che la Societât Tolkieniane Taliane (Società Tolkieniana Italiana) e organize par celebrâ lis oparis di John Ronald Reuel Tolkien.

Daspò doi agns des primis provis di dopleadure, il percors dai zovins de Aulùs APS al è rivât a un gnûf travuart: al è stât publicât il gnûf sît internet de associazion Aulùs APS: www.associazioneaulus.it.

Miercus ai 11 di Mai o sin finîts su Le Vite Catoliche, il setemanâl de Diocesi di Udin, par contâ la biele gnove de riviste "Contee furlane" che o vin stampât e o sin daûr a puartâ ai nestris socis.