La associazion Aulùs e je nassude intal 2021, metude su di chel grop di zovins che plui o mancul un an prime al veve scomençât cuasi par zûc a dopleâ il prin cine dal Signôr dai Anei par furlan.
L'obietîf de associazion Aulùs al è la difusion de lenghe e de culture furlane soredut (ma no dome) midiant de dopleadure.
Il Consei Diretîf al è formât dut di zovins sot dai 30 agns e al è in cjarie par 3 agns, fin al 2024:
- Il president al è Francesco Spizzamiglio;
- Il vicepresident al è Emanuele Paravano;
- Il segretari e tesorîr al è Luca Baradel;
- I conseîrs a son Giovanni Lesa e Edoardo Asquini.
I sociis a son plui o mancul 50.
Devente soci
Se cualchidun al à voie di deventâ nestri soci par supuartânus, ricevi la nestre riviste “Contee furlane" e i gadgets e restâ inzornât sui nestris progjets, la procedure e je semplice: al baste compilâ e mandânus par mail il modul che si pues cjatâ te pagjine "Iscrizions" e paiâ la cuote anuâl di 15 euros.
Supuartinus
Se tu âs voie di dânus une man, daûr des tôs pussibilitâts, chi tu puedis fâlu: tu cjatarâs inte tendute opzions par ducj i tacuins. Graciis, ogni pôc al jude!
