Vinars ai 29 di Novembar, des 6 sot sere inte baite dai Alpins di Varian, daûr dal Domo, ducj i socis de associazion Aulùs, e ducj chei che a àn voie di deventâlu, a son invidâts a un moment di fieste insiemi, une "Fieste dal tesserament".

Il Consei Diretîf, di fat, al à decidût di inmaneâ une cene par fâ deventâ la sotscrizion de cuote anuâl un moment conviviâl par cognossisi, bevi un tai e mangjâ alc insiemi. Inte ocasion si podarà viersâ la cuote associative anuâl, simpri ferme a 15 euros, e ricevi il gadget pal 2025 (cheste volte une robute pardabon bielonone!). Inte stesse serade al vignarà ancje consegnât il premi al vincidôr dal concors “Il Signôr dai Anei di piturâ”.

Ai partecipants si domande un contribût volontari sui 5 euros par dâ une man a cuvierzi lis spesis de cene.

Par partecipâ compile il modul.